koskletse

ANATOLI TURKISH RESTAURANT

Wed, 28 Sep 2011 14:55:40 +0100

WAT:
Die beste Turkse eetervaring Suid van die Ewenaar.

WAAR:
Napier Straat , Kaapstad Sentraal

HOOGTEPUNTE:
Waar om te begin?! Wat van reuse skinkbord met bakke en bakke vol mezes om van te kies. Dan ‘n elle lange lys van dekadente hoofgeregte gevolg deur nog ‘n skinbord vol van nageregte keuses.

KYK UIT VIR:
Die verwarring op mense se gesigte soos hulle besluit wat om te kies, en weer besluit en weer besluit! En al die mooie matte – die eienaar was ‘n mat handelaar in Turkye!

WAT JY MOET PROBEER:
Die “Chicken & Walnut Pate” met Turkse “Flatbread”. Vir hoofgereg “Chicken with sour grapes” – daardie hoender repies kombinasie met suur druiwe en swart korrente gaan ‘n smaak ontploffing in jou mond veroorsaak.

PRYSE:
Elke sent die moeite werd. R100 – R150 per persoon (afhangend van hoe Turks jy voel!)

TYE:
Elke aand van 7 uur tot laat

BESPREEK BY:
http://www.anatoli.co.za
Tel : 27 21 419 2501

Luister na ons kuier by Anatoli (Audio Review)

Cafe Paradiso

Tue, 06 Sep 2011 13:25:20 +0100

Deur : Monique Strydom

Wat:
Vure in die binnehof, handgemaakte pasta wat droogword in die dak, besige kombuis waar jy die koeke sien gebore word en fushion Mediteriaans en Suid Afrikaans! Met die besgte uitsigte oor Tafelberg.

Waar:
Die immergewilde Kloofstraat.

Hoogtepunte:
Lam slaai met baba spinasise blare knoffel aioli en sonneblom saad (meer as 20 jaar op die spyskaar!)
Linguini chilli bedien met Chorizo, chickpea & calamari
"The living best Lemon Meringue Pie" - kies dit as deel van die 3 Nagereg bord!

Beindruk met:
Met 'n spyskaar wat begin met "Beautiful day" en eindig met "beautiful night" – dan weet jy daar wag "beautiful food"...

Pryse:
Baie bekostigbaar en elke sent die moeite werd.

Ure:
Maan - Sat 09:00 - 22:00
Sondag 10:00 - 15:00

Bespreek by:
http://www.cafeparadiso.co.za

Luister na die Kosklets Program oor Cafe Paradiso

PIRATES GRILL HOUSE

Fri, 02 Sep 2011 05:07:01 +0100

Deur Monique Strydom

WAT:
Vaar die see in saam met die seerowers! Houtbaai se bes bewaarste geheim! "Good value, good food and good times!"

WAAR:
Houtbaai

HOOGTEPUNTE:
Die ribbetjies en die ribbetjies en die ribbetjies. En dan ook die sagste steak en die beste "seerower" burger Jack Sparrow Flame Grilled burger.

WAT JY NIE MAG MIS NIE:
Kuier saam met kelnering, Pumi, met die beste laggie in die hele Kaapstad!

PRYSE:
Baie bekostigbaar - goeie pryse vir groot porsies (so groot "that you will be defeated by the Pirates" - soos Pumi dit gestel het!)
Ribs begin by R80 en burgers R59.

BESPREEK:
www.piratessteakhouse.co.za

Luister na die KOSKLETS AUDIO REVIEW

SIDEWALK CAFE

Fri, 02 Sep 2011 04:56:07 +0100

Deur Monique Strydom

WAT:
Dekadente eetervaring vir alles smake gekombineer met eklektisie dekor en besonderse gasvryheid.

WAAR:
Vredehoek, Kaapstad

HOOGTEPUNTE:
"Chefs on Stage" Jaarlikse kompetisie en Chef Warren Carney se Frans geinspireerde disse soos die "24 Hour rolled pork belly confit" wat bedien word met pynapple en chilli sorbet. Met die klimaks - sy "Tears of a Chocoholic" nagereg.

GAAN TERUG VIR:
"Slow roasted Springbok Shank"

PRYSE:
Van R 40 tot R 140 (elke sent die moeite werd!)

Luister na die KOSKLETS AUDIO REVIEW

San Julian

Fri, 02 Sep 2011 04:44:30 +0100

Deur Monique Strydom

Wat:
As jy lus is vir regte Mexikaanse kos gemaak deur 'n egte Mexikaanse familie, dan kan jy nie San Julian mis nie. Hier kry jy die beste Tacos en Tequila in die Wes Kaap (dalk sommer Suid Afrika ook).

Waar:
Kaapstad Sentraal

Hoogtepunte:
Quesidalla Al La Governcador – Garnaal gekook in chilie met Flavatas en salsa verde (wondelike groen sous)
Horchata Arroz – Rys met melk en kaneel

Prys:
Baie bekostigbaar (1/2 porsies begin by R 43)

Tye:
Elke aand van Maandag to Saterdag (Bespreek!)

Kontak:
Tel 021 419 4233.

Luister na die SAN JULIAN KOSKLETS PROGRAM

Fork Tapas

Fri, 02 Sep 2011 04:34:45 +0100

Deur Ingrid Venter

Gelee in 84 Longstreet is ‘n Tapas Restaurant met ‘n verskil. Mens kan dit amper Fine Dining Tapas noem.
Die interieur is keurig en smaakvol en ingerig vir lekker kuier rondom heerlike Tapas en ‘n glasie wyn.

Die oorsprong van Tapas is onseker. Sommige se dit kom van die Spaanse Koning Alphonso wat baie siek was en toe geadviseer is om meer en kleiner etes te neem. Dit het hom soveel beter laat voel dat hy besluit het sy hele koninkryk moet maar daarmee inval. Die mees algemene storie se egter dit kom uit die dae van die begin van Tavernas waartydens die glas wyn met ‘n bord bedek is met ‘n klein happie op om te keer dat die vrugtevliee nie daarin val nie. Die eetgoedjies het egter so gewild geword dat mense na die taverne gegaan het oor wat daar op die bordjie is en nie noodwendig wat daar in die glas is nie.

Die spyskaart bied groot verskeidenheid vir die wat hou van die meer tradisionele, maar ook vir die fynproewer.

Die spyskaart is pragtig uiteengesit en jy weet presies wat jy gaan ontvang wanneer jy bestel.
Die opdiening is keurig en lyk amper te mooi om te eet.
Elke porsie is die samevoeging van verskillende teksture en geure wat ‘n verassende eenheid vorm.

Ons het heelwat van die geregte op die spyskaart probeer en was nie een keer teleurgeseld nie. Die een was lekkerder en mooier as die volgende.

Die eienaar JD, is daar om seker te maak dat die diens uitstaande is en die atmosfeer reg is vir jou om te kan ontspan en sommer net lekker te kuier.

Fork is beslis ‘n besoek werd, veral as jy hou van ‘n eetervaring.

Besoek hulle webtuiste vir die volledige spyskaart en mooi fotos by www.fork-restaurants.co.za of skakel hulle by 021 424 6334

The Only One

Fri, 02 Sep 2011 04:32:45 +0100

Deur Ingrid Venter

Op die Bottelarypad tussen Stellenbosch en Kuilsrivier gaan jy hierdie pragtige en baie gesellige restaurant met sy sagte rooi stoele,kaggels vir die winter en ‘n pragtige stoep en dam vir die somer, aantref.

Die atmosfeer is gesellig en intiem en die diens uitstekend. Agter die kospotte is Andre, wat ook een van die eienaars is. Hy het al baie ondervinding opgedoen in sy loopbaan wat gestrek het van luukse passasiersbote tot die 5 ster Arabella met nog heelwat tussen in. Die gaste van The Only One pluk nou die vrugte van al die ondervinding.

Op die spyskaart is ‘n wye verskeidenheid van ontbyt [vanaf R30.00] , Broodjies met interessante vulsels, ligte middageters en slaaie en natuurlike die heerlike, nteressante hoofgeregte. Ek het die lambshank met bloukaas kapokaartappels probeer [R95] en dit was uitstaande. Daar was ook die smullekker beesfillet gestop met feta en peppadews.

Die populerste dis op hulle spyskaart is hulle hamburgers. Omdat die patties yslik groot is, maar ook vir die interessante kombinasies en die bekostigbaarheid daarvan. ‘n Mens kan praat van gourmet burgers.

Onder die nagereg moet daar spesiale vermelding gemaak word van hulle sjokolade fondant met tuisgemaakte roomys.

Die lokaal is baie geskik vir funksies en kan binne 60 mense laat sit en buite nog 30. Andre se hulle werk iets uit vir elkeen se begroting.
Hulle doen natuurlik ook spyseniering en nie net plaaslik nie, maar hulle kom na jou toe en dit het hulle al oor die hele land geneem vir die besondere disse wat hulle maak.

Hulle het ook spesiale aande. Dit is baie populer, so dit sal veilig wees om liewer te bespreek.

Maandae is daar 40% afslag op hulle burgers – wat dit ‘n winskoop maak.
Woensdagaande 40% aflsag o alle steak
Vrydagaande 40% afslag op alle voorgeregte.

Gaan besoek hulle gerus, nie net vir ‘n lekker kuier nie, maar ook vir een van die lekkerste [en mooiste] borde kos wat jy in ‘n lang tyd geniet het.

Tel: 021 8652456

Dulce Café

Fri, 02 Sep 2011 04:31:07 +0100

Deur Ingrid Venter

Moet nie die standaard tipe koffie winkel verwag nie. Bo in Cape Gate, naby die flieks sal jy hulle kry – oop en gereed vir uistekende diens en hope spesiale aanbiedinge – 7 dae van die week, van vroeg tot laat.

Die eienaar is Tannie Jo. Sy is die hart van die restaurant en ook die een wat ‘n wakende ogie hou oor die kos en die diens. Sy gesels met almal en dit is duidelik dat die meeste kliente ou bekendes is.

Die spyskaart strek van ontbyte, hoofgeregte, broodjies, hulle spesialiteitsgeregte, pizzas en burgers en natuurlik nagereg en koek om van te kies en keur.

Om die waarheid te se, toe Tannie Jo nie tevrede is met die gehalte van die koek nie , het haar man, met sy ingenieurspresisie ingespring en self probeer. Vandag bak hy die gewilde wortel en caramel kaaskoek.

Geen kos word vooraf gemaak nie, en word vars voorberei. Elke aand sal jy ‘n spesiale aanbod vind op die swartbord voor die restaurant. Sondae berei Tannie Jo graag iets spesiaals wat nie normaalweg op die spyskaart is nie. En elke naweek gedurende die winter kan jy gaan aansit vir Tannie Jo se heerlike melkkos.

Die beste dis op die spyskaart is sonder twyfel die Dulce Duo ontbyt. Dit is ‘n reuse ontbyt vir 2 en dit kos net R52.00. Uitstekende waarde vir geld.
Jy kan ook die avocado en haloumie ontbyt probeer – ook ‘n uitstkende keuse.
Kyk gerus na die signature geregte. Daar is die Café Grill en die Snitchels baie gewild.
Tannie Jo se ook die publiek noem haar Tramezini’s die lekkerste in die land omdat sy dit so lekker vol stop van die heerlike vulsels wat daar beskikbaar is.

Daaris ‘n wye verskeidenheid koffies en nageregte om van te kies. Sommige ongewoon en die een so lekker soos die ander.

Dit is ook belangrik om te noem dat die restaurant ten volle gelisensieer is.

As jy Cape Gate gaan besoek en die voete is moeg, die kinders is moeilik, is dit die plek om te gaan sit en bietjie te ontspan en bederf te word deur Tannie Jo en haar span.

PISTACHIO

Fri, 02 Sep 2011 04:28:40 +0100

Deur Ingrid Venter

Wanneer jy die restaurant binnestap word jy sommer dadelik weggevoer na Frankryk in die vroee 1900. Hier kry jy Franse elegansie op sy beste. Dit maak dit natuurlik die ideale restaurant vir ‘n romantiese ete of ‘n spesiale herdenking.
Die omgewing is elegant en die atmosfeer rustig.

Die spyskaart is deels Frans maar die eienaar beskryf dit eerder as Fusion.
Daar is soveel heerlike voorgeregte om van te kies dat dit moeilik is.
Daar is die aanloklike slakke in t blou kaas en sjampanje sous. Die slakke is ingevoer van Frankryk. As hoofgereg het ons moelik gekies tussen die Fish De Jour, die lamshank of hulle baie populere porkbelly. Daar is ook die heerlike eend met lemoensous en gevulde hoenderborsies.

Nagereg was ‘n ervaring met smelt in die mond sjokoladekoek en crepe suzettes.

Hulle wynlys het ook al toekennings ontvang en verdien spesiale vermelding. Die eienaar het ‘n studie van etlike maande gedoen met die samestelling van die wynlys.

Sakemanne ka nook daarheen gaan vir ‘n lekker vinnige en as hulle wil, ligete, middagete

Die pryse is bekostigbaar en behoort jou nie te veel terug te sit nie.

25 Kerkstraat Durbanville
Tel: 9792586

Mezbaan

Fri, 02 Sep 2011 04:25:57 +0100

Deur Ingrid Venter

By die Mezbaan Restaurant in die Hilton Hotel voel dit asof jy aansit by ‘n eetplek reg uit Noord Indie. Die dekor is pragtig, stylvol, die spyskaart vol interessante geregte so reg uit Noord Indie, met ‘n Chef wat al sy kunsies ook daar geleer het.

Chef Mohammed het ons inderdaad bederf met ‘n keur van geregte van sy spyskaart.
Die spyskaart is onlangs nuut saamgestel met geregte wat jy nie sommer elders gaan opspoor nie. Daar is die bekende geregte soos Butterd Chicken en Biryani, maar dan het hy ook ‘n hele klompie ander lekkernye opgetower.

Die lekkerte van Noord Indiese kos is dat dit binne die smaak van die meeste mense val. Hulle vra jou hoe sterk jou kos moet wees en hulle doen dan net soos jy versoek. Dit was ‘n kwaliteit waarvan ek baie gehou het, want ek hou van “mild”, maar my een gas hou van “hot” en beide van ons het lekker geeet.

Ons het ook indie kombuis gaan inloer. Soveel van netheid en goeie organisasie het ek lanklaas gesien. En met ‘n Chef wat so trots is op sy kombuis en sy geregte, kan jy nie anders as om iets besonders te verwag nie.

Die ander groot verassing van die aand was die prys. Met die nuwe spyskaart is – kan jy dit glo – pryse afwaarts aangepas. Hulle wil nie he mense moet skrik as hulle hoor die restaurant is gelee in ‘n 5 ster hotel nie – mens kan mos dan half dink dit is nie binne jou begroting nie. Hulle poog om dit ‘n restaurant te maak waar Kapenaars gereeld sal kan kom eet. Dit is ook moontlik met voorgeregte van af R30 en hoofgeregte vanaf R80.

Van die geregte wat spesiale vermelding verdien was die lamb biryani – gemaak van groen Indiese spesrye. Daar kom ook geen lensies in soos ons gewoond is nie. Die biryani word in lae gepak in ‘n pragtie koperpotjie en kry ‘n gebakte kors bo oor. Die opdiening is besonders. Ook was die spicy mango chicken iets besonders asook die leg of lamb met fresh tamato, red onion, chilli, mint danhia, ginger – served on savoury rice.

Daar is nog ‘n groot verskeidenheid geregte om van te kies asook brood en rys wat daarmee saam gaan. So tussen die geurige smake deur het ons ook geteug aan heerlike mango lassie.

Nagereg kan nooit nagelaat word nie. Ons het rasmalai probeer. Dit is cottage cheese dumplings – geposjeer en bedien in ‘n saffraan melk sous – heerlik soet en anders.

Vir ‘n eetervaring kan jy hulle gerus gaan besoek . Vanwee die baie kompeterende mark streef hulle na uitmuntendheid en kry dit goed reg – en dan is dit nog bekostigbaar oor.

Tel: 481 3700, nr 126 Buitengracht str Kaapstad
www.1.hilton.co.za